رجّـــال ..

رجّـال وافي قـول وافعاله افعـال
يسراه ماتلحق عطايا يمينه

ورجّـال لامن جاه ضيفه له إقبال
مايذبح إلا الراهيه والسمينه

ورجّـال يبرك ... للثقيله مالاحمال
ماينثني عنها وربي يعينه

ورجّـال لعلومً ... صعيبات حلّال
عقله رزين ولا ترده سنينه

ورجّـال يومن .. تعتزي فيه رجال
يقضي لزومك يارحم والدينه

ورجّـال يلبس ثوب وشماغ وعقال
لكن فعوله ماتعدى جبينه

ورجّـال لاطراف الحكي دوم نقال
ولا يميّز بين زينه وشينه

ورجّـال .. ماينظر ... لعمً ولا خال
متكبر الله يكفي الناس عينه

ورجّـال ... مايعرفك لا جاء له المال
ينساك لو كنت انت فعلاً ضنينه

ورجّـال يتبع .. غلطتك لجل يحتال
يحط حاجز دوم بينك وبينه

ورجّـال ياكافي .. تقل كنه إظلال
صامت وشرّه دوم في حاجبينه

ياكم وياكم قـد ضربنـا من امثـال
والصقر من يشويه ياصايدينه


شـعـــــــر
حـمـــ المـــالكي ــــدان