السلام عليكم ورحمة الله
مجاراتي لقصيدة الشاعر العزيز محمد بن لقفص العمري (أصالتنا)
بقصيدتي (عوايدنا)
طبعا له البدع
ولي الرد
عسى ان تنال اعجابكم
.....................................
يقول اللي رثى حاله بقافه
على بعض القيم يا للحسافة
من اللي سمع بالدنيا وشافه
تخبط من يمينه لا شماله

الا يا الله يا جزل العطايا
يا عالم ما تخفيه النوايا
بفضله تنمحي كل الخطايا
ويسمع من لجابه واشتكا له

اله كلنا نرجي ثوابه
ونخشى لا يحل بنا عذابه
ونؤمن بالذي جاء في كتابه
ولا ضاقت بنا نرجع نساله

بعدها يا عرب وش ذا دهانا
تغير عن مساره مستوانا
تخاذلنا وقلدنا سوانا
وضاع الطيب وانواع الجمالة

تناسينا اصالتنا القديمة
وصار البعض يحسبها جريمة
ومن يرجع لها نال الشتيمة
وعاش العمر معزول(ن)لحاله

نحارب من يبي نشر الفضيلة
ولا ننكر على راع الرذيلة
وهذي يا عرب والله فشيلة
بعد ذيك الشجاعة والبسالة

نشوف افلان يقتل والدينه
تخلا عن تعاليمه ودينه
وطاع ابليس يا مال الغبينة
عثت في عقله افكار الحثالة

تناسى فضلهم وانكر عطاهم
ما هو عارف رضا الله في رضاهم
بعد ما اشتد متنه جاء رماهم
خبيث(ن)عجل الباري زواله

يا مسلم وين عقلك وانت وينك
نزف دم والدينك من يدينك
جميع الناس من فعلك تدينك
وتستنكر خطاك بكل حالة

يا لله العجب وش هالغليبة
نشوف احوال بالدنيا غريبة
ونسمع كل يومين ابمصيبة
وهذي خطة اذناب الضلالة

سؤال باطرحه ضمن القصيدة
لكم يا اهل الشهامه والعقيدة
عقوق الوالدين اش هو حصيده
فما بالك بمن هذي فعاله

حقوق الوالدين اللي فرضها
عظيم الشان والخاين نقضها
يا ليت انا نوفي لو بعضها
ونتعامل معاهم بالعدالة

وبن لقفص تمثل في كلامه
بقافه حين وضع الوقت ضامه
عسى ما يلحقه منكم ملامة
اذا هو ما توفق في مقاله

الا يا الله ترحم والدنيا
ومن له حق يا ربي علينا
وبعقوق الذرا لا تبتلينا
وتكفينا مخابيب الجهالة

ختاما يا صلاتي والسلامي
على خير البشر سيد الانامي
شفيع امته في يوم الزحامي
وصلينا على صحبه وآله


محمد بن لقفص العمري

يابن لقفص عليك اجمل تحيه
يقدمها أبو شامي نقيه
جزيل ونار قافك دوم حيه

صميدع صادح بحرف الجزاله

كلامك بالاصاله ياعضيدي
أسف مع حزن هذا هو الاكيدي
وجبت الطرق محبوكن فريدي

سلمت وأسمري غنا وشاله

صدى صوتك ترى واجب علينا
زهمت المنشد المبدع وجينا
تغنى بوسعيد اللي بنينا

تحت ضو القمر وقت اكتماله

رثيت الحال والوضع امتشابه
يقول اللي حسب خبرة شبابه
عوايدنا مطامع للذيابه

ذيابة كفر والملجا جلاله

جلال الله وانا راجي للطفه
خلق ادم ونسله كان نطفه
يجير المسلم بستره وعطفه

بيده نرتدي ثوب الاصاله

غزونا حسب تنظيمن ممنهج
عقب ماوضعنا ياصاح يبهج
ردانا اقلوب الاعدا فيه تلهج

وحبل الدين تسعى لا نحلاله

توحوا ياعرب ياهل الفطانه
ابن لقفص ينادي ترجمانه
يذكركم عرب ياهل المكانه

يبي طيب الفعل رد لسؤاله

صدمنا والبلاوي في تنوع
فعولن مخزيه جدا تروع
وكن الفكر في غيه مطوع

وبؤس الحال مدري وش مآله

حدن يقتل أبوه ويقتل امه
حدن يقتل أخوه وأبن عمه
حدن أمن الوطن مايوم همه

ولو يدفع على فعله حلاله

كثير احقوق ضاعت في زمنا
عجيبه والسبب فينا ومنا
يحقق للعدو ماقد تمنا

ويالله حالنا نهنى انعداله

ندا ياليت لو ياصل عربنا
حذاري من بغانا قد ضربنا
ومن كاس الفتن يومن شربنا

تحقق ما يخطط له وناله

لذا ياهل العقيده في قصيده
ترونا في غياهيب المكيده
واذا ماودنا الواقع نبيده

وعودة مجدنا ماهي استحاله

علينا بالفروض وبالرواتب
كفايه ياعرب نحيا معاتب
على محيا العقيده انتكاتب

ودين الله نسمو من خلاله

تمثلت وسبقني من تفرد
ابن لقفص بحلو القاف غرد
وابيات السمي ندر وشرد

عسى الله دايمن ايطيب فاله

واختم بالصلاه وبالسلاما
على المبعوث للامه اماما
محمد وافين قدر ومقاما

نبين قد بعث بآخر رساله

محمد بن احمد الحربي
ابوشامي