مايضيع الشهم فالوقت العصيب
الكفو محزم وزاهب كل حين

والردي لو عينك تشوفه يغيب
لان ماهو كفو للعلم السمين

ان نخيت انخى دوى الجرح العطيب
من فعوله قبل اقواله تبين

باختصار الرجل واضح يالحبيب
والردي واضح مابين المسلمين

لاتعنزها على حظ ونصيب
غلطتك لا ماعرفت الغانمين

مسألة اما تصيب ..اما تخيب
مالها معنى سوى منته ذهين

أو وآسف ماعرفت بيوم ذيب
حدك (اشباه الرجال ) وآسفين

ولاتواخذني ترى الطيب يطيب
في رفاقه تسنده ضد السنين

يبتلش لا شك فالوقت الصليب
واحدن ماله من العالم مدين

من يقدم في حياته دون ريب
مستحيل انه مايلقا له معين

ابوشامي