بدع الامثال
شاعر واحلق في سما بدع الامثال
وحرصت انوع لك بيوتي وصايا
فان اعجبك ماقلت قل شاعرن قال
واسمه ابوشامي لقافه مزايا
برهن على قولك بحسنات الافعال
وجنب مجالس كل ابوها خطايا
والناس تبقى لبعض ازوال واظلال
او بالاصح لبعضها كالمرايا
ماحبب الله خلقه فشخص مختال
اهل الكبر في عيون خلقه عرايا
واذا انت تبغى يقال لك صدق رجال
جود خطام الطيب بين البرايا
والكامل الله يافتى بكل الاحوال
بس الكفو ياقل ماله خطايا
واحذر دروب المزح تمرض لياطال
حتى ولو خافيه بيض النوايا
الصمت له حزه ومثله للاقوال
لاجدتها كن البشر لك سبايا
نعم سبايا يامعزه يا أجلال
ماعندهم مدخل معك في قضايا
واحسن ظنونك بالرجاجيل مازال
ياصاحبي لله علم الخفايا
وجنب ردين شغلته مثل دلال
ماله هدف ياغير نقل الروايا
خلك صبور وخل عندك وسع بال
وابعد عن اللي منه سود السوايا
صدرك شريحه حذرك تبث الارسال
ياغير للي يستحق العطايا
ماهو كماللي في مقفاك عذال
وليا حضرت يجودلك بالهدايا
قدمت لك اجزال في رونق امثال
متراميه فيها عديد الوصايا
ابوشامي
رد مع اقتباس
