ياالله يا للي تسجد الناس لرضاه =يامحيي الموتى و يا باعث الناس
بامرك تصبرنا على اللي فقدناه= بن عامر اللي خوته ترفع الراس
قصر من الهيبه بعيده زواياه= يلوذ به من ذاق مر وهوجاس
خذاه مكتوب القدر ما لحقناه= وانشهد اني عقب فرقاه منحاس
حر على كسب المعالي عرفناه= حر صليب الراي ساطي وقرناس
من لابة حريبهم تقصر خطاه= ابشر بهم في حين قرعان الاجراس
والختم صلى الله على اللي بيمناه= بيارق التقوى ويهدي بها الناس