ابـن مـريـع
النخله اللـي سقاهـا السيـل = يغني عـن شـوف الساقيهـا
خضر الورق والغصون تميل = يسهـل عليـنـا مراقيـهـا
فايز ال محيسن
يامرحبا اعـداد نجـم اليـل = والبـنـدق فـيـد راميـهـا
والنخله اللـي بجنـب النيـل = يازيـن عـذق وثماريـهـا
ابـن مـريـع
دام البقـى والجمـال تشيـل = حمـول مــدري توطيـهـا
والبكره اللي نصاهـا شعيـل = فالـدرب بانـت خطاويـهـا
فايز ال محيسن
فالدرب تمشي ابـد ماتحيـل = ودرب المـعـزه مماشيـهـا
والبكـــره اللـي تـرز الذيـل = يا خــوي مـانـي بقانيـهـا
ابـن مـريـع
ابشـر بهـا ياقـوي الحيـل = وسمي علـى الفخـذ كاويهـا
مادمت وافـي ازيـد الكيـــل = بالـنـار مـوكـــــدة فيـهـا
فايز ال محيسن
الـــذود مقنـي عـن التقبيـل = وبسيوفنـا حنـاء نحميـهـا
وان كان وسمك فنجم سهيـل = الذيـب ماينـوش ارضيهـا
ابـن مـريـع
زهبتها من رصـاص القيـل = ثـارت وبانـت مواريـهـا
نيشانها مـن فوقهـا دربيـل = للصيـد مـا ضـن تخطيهـا
فايز ال محيسن
هيا استمع جابتـي لا طيـل = والقاسي مـن قبلـي يغنيهـا
ياما عسفنـا مهـار الخيـل = ونرمـي ونطـــرح مراميهـا
وان كان تزرع بـلا معويـل = كيف الثمـار انـت تجنيهـا
وكيف المكاسب من المحاصيل = والـزرع مـيـت بواديـهـا
ابـن مـريـع
انا اسمــعك يا أديـب الجيـل = زيـن اللحـن قـاد ساريهـا
والمهرة اللي تـذوق الويـل = في جنبهـا السـوط شاويهـا
محصول زرعي ملى زنبيـل = ومـن الثمـر ذقـت حاليهـا
بعد المطـر الشعـاب تسيـل = والارض تنبـت مراعيـهـــا
لحن بين ابن مريع و فايز ال محيسن
رد مع اقتباس
رد: لحن بين ابن مريع و فايز ال محيسن
