قصة عقوق

بسم الله الرحمن الرحيم

قصة عجوز وولدها العاق على أحد الشواطئ(( الله يحمينا))

فيه اثنين شباب راحوا البحر جلسو على الشاطئ ومعاهم عشاهم. وهم جالسين يتعشون جتهم عجوز كبيره في السن وقعدت تلقط الأكل المنثور على الأرض وتأكل. ولما شافوها قالولها أنتي جوعانة قالت أنا هنا من الصبح وماأكلت شئ جابني ولدي من الصبح وراح وخلاني وقالي راح أجي آخذك بعد شوي.المهم جابوا لها عشاء وتعشت.
وبعد ما تأخر الوقت شالوا أغراضهم وحسوا الشباب إن الوقت متأخر والجو بدا يبرد ومايصير يتركون العجوز على الشاطئ لحالها في الليل وجاء واحد من الشباب وقال لها عندك رقم ولدك نتصل عليه نخليه يجي يآخذك . قالت العجوز إيه معي الرقم في ورقه .
ولما طلعت الورقه .
ايش تتوقعوا مكتوب فيها ؟؟؟؟؟ مكتوب
( من يجد هذه المرأه يآخذها لدار العجزه)
انصعقوا الشباب من المكتوب في الورقة وجلسوا ساعة يترجون العجوز تمشي معاهم. ويحاولون فيها إنهم يوصلوها أي مكان هي تبيه . أكيد العجوز رفضت أنها تروح معاهم لأن ولدها وعدها إنه يجي يأخذها وتبي تستناه لما يجي.وكانت تقول ولدي راح يجي يآخذني وأنا راح استناه .
ماتدري المسكينه إن ولدها تنكر لها ورماها في الوقت الي هي فيه محتاجه له.المهم راحوا الشباب عنها وأتركوها على أمل إن ولدها راح يجي يآخذها حسب وعده لها. فيه واحد من الشباب قعد يتقلب في الفراش وماقدر يرقد يفكر في مصير العجوز المسكينه وقام من فراشه وغير ملابسه وركب سيارته وراح للشاطئ.
ولما وصل.
شاف الاسعاف والشرطة والناس مجتمعين ودخل بينهم شاف العجوز قد فارقت الحياه ولما سألهم عن سبب وفاه العجوز قالو له أرتفع معها الضغط وماتت.
ماتت من خوفها على ولدها يمكن يكون صار له شئ
ماتت وهي تستنا ولدها يجي يآخذها.
ماتت وهي بعيده عن أهلها.
الله يرحمها برحمته ويدخلها من أوسع ابواب جنته.

اما العاق فسيرى عقوبته بالدنيا قبل الآخرة
تم نشرها للعبرة

لاحول ولاقوة الابالله

اللهم انا نعوذ بك ان نكون عاقين لوالدينا
لك كل الشكر أخوي العزيز

قصة مؤلمة

سعدا بتواجدك اخي الراشدي ومنور الصفحات بارك الله فيك

معاذ الله من هذا العقوق المدمر
ونسأل الله ان يرحمنا برحمته

الله يرحمني واستغفر الله