صحيح حلوه بس ما فيني غـرور

فينـي جـرأة حضنتهـاا طفولـه

أحب صمت الليل وإشعاعة النور

وأفرح بزخات المطـر وبهطولـه

وأحب أجننهـم تفاكيـر وصـدود

وأحب أكون الصعب محدِ ينولـه

ألعب على الدنيا ولا أتقن الـدور

أفشل وأحاول لين حزت البطولـه

بساطتي ما هي بعيبٍ ولا قصـور

وماهمني من قال عنـي خجولـه

صحيح ماني شيخة الزين والحور

اللي تهز الكون أرضـة وطولـه

بس أنا عندي قلب لو عاش مقهور

يضحك لو أن الجرح يركي حموله

وسطه عناادٍ يكره الظلـم ويثـور

على عقـول الظالميـن الجهولـه

وبدآخله تلقـى معأنـاه ومـرور

وأسرار محكومه بصوله وجولـه

صحيح في عمري مطبات وحدور

وماكـل شـي ناصلـه بسهولـه

هذآ أنا طبعي كذاا وأنت مشكـور

ولكل شخصٍ يـا غناتـي ميولـه