لوكل غلطه على الصاحب نسجلها
لو كل غلطه على الصاحب نسجلها ******* فقدت ثلثين من مجموعة اصحابي
لكن نطوف هذيك وذيك نأجلهـا ******** ولا اقول وش قال زيد اليوم بغيابي
اشيــل زلـة رفيقـي واتحملهـــا ******** ولا اركض ورا كل فارغة بمشعابي
اشوف واصد واسمع واتجاهلها *** واحجد مدى غيض قلبي واملك اعصابي
وارجي عسى صاحب السيٌه يبدلها ***** الى شافني عن طريقه قافل بابي
ولا ترك الكلمه -حتى لو تحللهـا ******* تطلع بوجهين من سلبي الى ايجابي
واللي يبي المشكله دايم يحصلها ****** ياصعب درب الوفا ياهون الانشابي
سيرت هل الطيب مهونها ومسهلها ******** لو انها بالعلوم ومسح الاشنابي
لكن تجي ساعة وتبين عللـــها *********** لا صار وقت اللزوم وحــزم قلابي
والهرجه اعرف عواقبها وكايلهـا ******** قدام تخطي هدفها وانت بالنابي
والنفس مايعزها ياكود شايلها ********** ولا يطيب للناس من للنفس ماطابي
وتلقى من الناس مثل اللي تعاملها *** واليا اختلف شي تلقى منك الاسبابي
وقنعت النفس راس العز يكملها ************ اليـا حصل قوتها والستر بثيابي
وارزاق غيرك لغيرك لا تحايلها *********** لك ماكتب لك ولي ماخط بكتابي
وكم واحد مايبين لو هو آكلهــا ******* بسدود بعض الرجال تضيع الرقابي
وشكواك للي ظروفك مايعدلها ************ صيحة خلا مالها فزاع وابنابي
وقيمتك مع نازل القيمة تنزلها ************ والحر يأثر عليه اللي معه رابي
واختر ثيابك على قدك وفصلها *** ترى ابليس اخرجه منها طوبى الاعجابي
والكلمه اللي انت منها تستحي قلها *** ترى اليا اخطى سنان الرمح ماصابي
واخر هديه لو الواجب معجلها *********** لو فايدتها لغيري ولي انا مااابي
معقلات الاركابي في مساهلهـا ******* وعندي خبر مايفك الوسق مطلابي
ترى الاصايل ماعادن من سلايلها *********** نصيحة من شريف لكل عزابي
طول القصيده بلا معنى يمللها ******** واثبت على ماقلت من بعد التجرابي
امشي مع الناس وآخذ من دلايلها ******** وبضاعتي ماتجي مع كل جلابي
ويارب لطفك بروحي بوم تسألها **** عن ماجرى في حياتي وانته ادرابي
ويارب سترك ونفسي لا تفشلها ******* ليا جـ النهار الصعيب وقدٌم حسابي
والنفس في طاعت الرحمن ذللها *********** يعزها ذلها - في يوم الاحزابي
وتخف عنها الذنوب ولا تحملها ****** رحمتك يااقرب من اقرب كل الاقرابي
وصلاة ربي عد ما هل وابلهـا *************** على نبـي تجنب كل مرتابي
منــــقـــول
رد مع اقتباس
المشاركة الأصلية كتبت بواسطة النبراس
