يالكفيفه يالعفيفه إن قلـت آسـف تقبليـن...؟
قصة بنت كانت تطالع واحد بعين قويه
المهم الرجال طلع شاعر
وماقصر حط فيها كم بيت عشان تتأدب
لكن المفاجأة هي ..!؟
وش صار..!
تابع القصيد
يقول
كل شبر بهالوسيعـه ملـك ربـي تعلميـن
وأعلم إن اللي خلقني هو خلق لـك هالعيوون
لكن انتي من جلستي وانتـي فينـي تحدقيـن
كن ما به ناس غيري بهالكراسـي يجلسوون
لو سمحتي عاد أسمعي وحتى لو ما تسمحيـن
المهـم اللـي بقولـه تسمعينـه و يسمعووون
ع الأقل ليا نظرتك سـوي روحـك تستحيـن
غضي طرفك مثل غيرك خوف ربعي يلمحووون
الركادة عاد زينة والحياء فـي البنـت زيـن
وفيـك جآزم لا ركـادة ولا حيـاءٍ يـذكـرووون
تعرفينـي..!؟ أعرفـك ..!؟ ماأذكـر إنــا ملتقـيـن
لا أعرفك من تكوني و لا تعرفي مـن أكـووون
وإطمأني إن كان قصدك بس فينـي تشبهيـن
ما هـو أنـا إلي تعرفيـه والبشـر يتشابهووون
مادريتـي من التشابـه يخلـق الله أربعيـن
وأعرف أربع يشبهنك بـس والله يستحووون
وإن كان قصدك شي ثاني عاد قولي وش تبين
خايف إنا نصير فرجة وإللي ماشتروا يتفرجووون
وإذا ببالك عاجبتنـي لا يحوشـك تحلميـن
صح ربعي من جمالك فيـك صـار يمدحوون
بس وش لي في حلاتك دام فيهـا ترخصيـن
حشمة البنـت وحياهـا والكرامـة يلفتوون
ولو توفر فيك هـذا مـع حلاتـك تبشرين
ما هو أنا ألف غيري بـاب بيتـك يطرقووون
وش علامك رغم كل اللي أقولـه وتسكتيـن
مو طبيعي هالسكوت وهالبـرود وهالسكـووون
إنتي خرسـا أسألـك ولا منتي تسمعيـن ...؟
قالوا ربعي ذي كفيفه قلـت لا لا تمـزحوون
ليـن شفتك يوم رحتـي يمسكونـك باليديـن
ما دريت إلا عيونـي أربـع أربـع يذرفوون
آهـ ياني منه مشهـد يـوم شفتـك ترحلين
جيت اشوف عيون ربعي لقيت الكـل يدمعون
يالكفيفه يالعفيفه إن قلـت آسـف تقبليـن...؟
يغفر الله ذنوب عبده ليا خطا وهـل تغفـرون..؟
رد مع اقتباس
المشاركة الأصلية كتبت بواسطة شرقاوي وهواوي
