مخلوق ماهو كما المخلوق

[poem=font=",6,black,normal,italic" bkcolor="white" bkimage="" border="double,4,black" type=0 line=1 align=center use=ex num="0,black""]
فـايــز ال محـيـسـن =
نرسل تحيه .... لكم تدنـي =مسامع أهل الأدب والـذوق
قريت لك حـرف وعجبنـي =وهيضت هاجس لكم مرموق
تــــــركــــــي البشري=
يامرحبـا بـك ويسعدنـي=شاعر وحرفك لنا معشـوق
جر اللحن هـات وإطربنـي=حتى معك نرتقي به فـوق
فـايــز ال محـيـسـن =
تبقا على الطيـب يالفنـي=خابرك تاجر وسوقك سوق
والان لاتخـلـف الظـنـي=من بعد سنّع لنا الطـاروق
تــــــركــــــي البشري=
لاتوصـي الذيـب فالقنـي=تبشـر الا جيتنـي بغلـوق
دايـم وحرفـي مأهلـنـي=ويسوقني للمعالـي سـوق
فـايــز ال محـيـسـن =
يابناخي الشـوق بهذلنـي=سعات أغمـأ قليـل افـوق
خالك يعانـي مـن الكنـي=اللي فصدره غدى محـروق
تــــــركــــــي البشري=
أشغلك شوقـك ومشغلنـي=عم الأوادم لهيـب الشـوق
في كنهـا ويـش تستنـي=أدي الأمانه عساك تـروق
فـايــز ال محـيـسـن =
أسـرع بحلـك وفهمـنـي=كيف البصيره وكيف يروق
مــادام وده مجـنـنـي=وصفقات بقعا علي تحـوق
وفالقلب جالـس ومتحنـي=مخلوق ماهو كما المخلوق
انسّي ولاكن كمـا الجنـي=خثرلي الدم جوف عـروق
تــــــركــــــي البشري=
هيا إستمـع جابتـي منـي=والله خلق بالأنـام فـروق
يشكو الهوى شيعي وسنـي=طوق جميع الأوادم طـوق
الحب فـي بدايتـه يُضنـي=وليل الأمل ينتهي بشـروق
متعـك لحنـك وأمتعـنـي=وإعلم ترى مصدرك موثوق
فـايــز ال محـيـسـن =
ابدعت واخذ الخبـر عنـي =وماني مجامل فوصف النوق
حرفـك وبالحيـل مذهلنـي =كل يوم يزداد طيب ولـوق
[/poem]