لحن مع الشاعر الكبير قابل البشري (الجمل)
[poem=font=",6,darkblue,normal,italic" bkcolor="skyblue" bkimage="" border="double,4,darkblue" type=0 line=1 align=center use=ex num="0,black""]
فـايــز ال محـيـسـن =
ياقابل الطيب مـن ساسـك=والقصر مبني على ساسيـن
سلام من راسـي لراسـك=نبغا معك فالمثـل حرفيـن
قــابــل الـبـشــري =
ابشـر ولانخلـف قياسـك=والعلـم مانقسمـه نصيـن
يامرحبـا دن هوجـاسـك=ومن عندنا تاخـذ التثميـن
فـايــز ال محـيـسـن =
مـادام نـورت نبـراسـك=غاب القمر وختفـا نجميـن
تبقـا وولّـم لقرطـاسـك=وخُطّ ياقلم والجروح تبيـن
قــابــل الـبـشــري =
ياحرف راقـي ومتماسـك=النـور بوجودكـم نوريـن
هات الخبر وانثر احساسك=وحنامعـك بالوفـا ماشيـن
فـايــز ال محـيـسـن =
ياسيد ... الحرف مجلاسك=وافي على طبعكـم وافيـن
ميَر الزعـل سببـه ناسـك=اللي مادارا دمـوع العيـن
قــابــل الـبـشــري =
الطيب مصبوب من كاسـك=شرواك عندي من الغاليـن
حنا نساعـدك فـي باسـك=ومن يمنا مايجيـك الشيـن
فـايــز ال محـيـسـن =
من قبل لاتظـرب بفاسـك=ماكان تعفو وتكسـب ديـن
وان صك باب الرجا ياسك=خليتنـا فالخـلا ضامـيـن
قــابــل الـبـشــري =
يابنـك لاتعلـن افـلاسـك=و الخيرباقي ليـوم الديـن
ولوكان راجعـت كراسـك=تلقى السبب والخلافة ويـن
فـايــز ال محـيـسـن =
جينا طرقنا على اجراسـك=والباب مقفل علـى قفليـن
ومن بعد لحنـت مرواسـك=وش عاد باقي تقول منيـن
قــابــل الـبـشــري =
ماهو على عـدل مقياسـك=والناس باللي حصل داريـن
وانت الذي هـب نسناسـك=تخطي وبتردنـا مخطيـن
فـايــز ال محـيـسـن =
هذا القدر حاسني وحاسـك=والعاقـل مايتبـع الغاويـن
ياكبرها ان كـان متراسـك=طالب وراغب على الحدين
قــابــل الـبـشــري =
لاتضمر الظـن باقواسـك =وتشب نار الاسـى ناريـن
وعلمي في صحوتك ونعاسك =واضح عطيتك عليه يميـن
وخلك بجيد العرى ماسـك = لاتشت عن ربعك الباقيـن
مـارد الاقـدار حراسـك = ارضى وحنا معك راضيـن
[/poem]
رد مع اقتباس
رد: لحن مع الشاعر الكبير قابل البشري (الجمل)
رد: لحن مع الشاعر الكبير قابل البشري (الجمل)
